Sug alawon naton ang bag-ong tuig nga puno sang kasadya, paghiliusa, kag paglaum! Gabay nga mapabilin kita nga mapinasalamaton sa Ginuo sa tanan nga mga bugay kag kaayuhan nga iya ginahatag sa aton sa sini nga tuig kag sa masunod pa nga mga tinuig.

Sa ini nga tuig naagyan naton ang nagkalain lain nga sahi sang kabudlayan kag sa likod sini aton nalampuwasan bangud sang pagbinuligay kag suporta sa isa kag isa. Labing daku nga pasalamat sa atom mga kaupod kag pamilya nga nag-upod sa aton sa kada pagtaklad, pag-abante kag pag atubang sa sini nga mga kabudlayan.

Padayon kita sa pagsuporta sa isa kag isa, sa mga kaugalingon naton nga mga kabudlayan, kag sa paghimo sang mas madamo pa nga mga maayo nga binuhatan.

Sa sini nga maabot nga tuig 2024, gabay nga mag ululupod kita sa gihapon sa paglambot sang aton nga mga handum, sa mga oportunidad kag pagsuporta sa mga proyekto kag programa nga ang tinutuyo amo ang mahatagan ang tagsa ka Talisaynon sang mas pinaka gwapo nga serbisyo.

Sa liwat, Happy New Year pinalangga ko nga mga Talisaynon!