Isa Ka madinalag-on nga pag saulog sang aton ika 23rd Minulu-an Festival 2022, pinalangga ko nga Talisay!

Sa sulod sang duha ka tuig madamo kita sang mga okasyon nga wala na selebrar kasubong sang Minulu-an Festival tungod sa pandemya.

Subong nga tuig, sa ubay sang aton Ginuo, natigayon nga makaselebrar Kita sang aton ika 23rd Minulu-an Festival. Ini nga selebrasyon aton ginahiwat sa paghatag importansya sa kulturang Talisaynon kag labi sa tanan sa paghatag kadungganan kag pagdayaw sa aton Santo Patron nga si San Nicolas de Tolentino.

Labi sa kasadyahan, gabay nga aton e sentro ang aton selebrasyon sa pagpasalamat kag pagdayaw sa aton Santo Patron San Nicolas kag sa aton Ginuo sa padayon nga paghatag sa aton sang kusog kag kabakod, ilabi na sa aton pag atubang sa madamo nga mga Krisis kag pagtilaw dala sang pandemya kag iban pa kasubong sang bagyo kag mga pagbaha.

Madamo nga salamat sa padayon nyo nga pagsuporta kag pag upod sa mga programa sang Gwapo nga serbisyo.

Ini tanan amon ginahimo para sa Inyo kag sa kaayuhan sang aton syudad.

Magpadayon lang kita sa pag ampo kag pagsalig sa aton Ginuo. Happy 23rd Minuluan Festival 2022 Talisay!