Atty. Rowena “Weng” Lizares- “Isa ka Pilantropo, An Empowered Woman that Empowers Women”

Sa pagtakop sang aton Women's Month Celebration sa sini nga tuig, aton sa liwat kilalahon ang mga pinasahi nga mga kababayin-an sa Syudad sang Talisay nga ginpasidunggan sang tinalikdan nga Marso 24 sa Culminating Program sang Women's Month Celebration sang syudad.

Pito ka mga babaye ang ginkilala bangud sa ila kontribusyon, bulig kag dedikasyon sa pagbulig kag pagtib ong sa kinamatarong, talento kag ikasarang bilang isa ka babaye kag pagkilala bilang isa ka inspirasyon kag ehemplo sa ila komunidad kag isigkatawo.

Atty. Rowena “Weng” Lizares. A Philanthropist

Si Atty. Weng Lopez-Lizares indi pa man nangin asawa sang aton mayor kag first lady sang Syudad sang Talisay, nagatutok na sa pagbulig sa mga pumuluyo ilabi na sa mga kabataan, kababayen-an kag pamilya. Siya nangin Presidente man sang Bacolod Boys Home, kag sang Angels' Wings Hernan Lopez Foundation.

Suno kay Atty. Weng, nagsugod ang Angels' Wings Foundation sa pagbulig sa ila mga empleyado nga naga masakit kag nahospital. Ini daku gid ang nabulig sa mga tawo nga may kabudlayan sa ikaayong lawas. Sang panahon sang pandemya, ang Angels' Wings Foundation sa iya pagpamuno nag-expand sang ila serbisyo sa Syudad sang Talisay. Nagbulig sa mga pumuluyo paagi sa pagpanghatag sang food packs sa panahon sang lock-down kag sa ila medikal nga mga problema.

Nangin sentro man sang iya pagbulig kag katungdanan ang mga kabataan, kababayen-an kag pagpabakod sang pamilya diri sa Syudad sang Talisay.

Nagkalain-lain nga mg programa kag suporta ang ginahatag nya sa Early Childhood Care and Development (ECCD). Halin sa pagpakaayo sang child development centers, paghatag sang ila nagapanguna nga kinahanglanon kag ang pagpatigayon sang story telling sa mga bata sa iya libre nga panahon.

Ubos kusog ang iya pagpamatuk sa kalakasan batuk sa kababayen-an paagi sa pagsuporta sang ila mga inisyatiba, pag-alokar sang pondo sa mga edukasyon kag paghanas para mapataas ang ila kamuklatan kag ikasarang para magtindog sa ila mga kinamatarung. Iya man gina suportahan ang pang-ekonomiya nga proyekto sang mga kababayen-an, ang pinaka ulihi sini ang iya paghatag sang tricycle para sa delivery kag pick up sang palaba sa pantawid pamilya nga proyekto sang mga kababayen-an sang pantawid pamilya. Ini nga mga proyekto naga tuyo nga mahatagan sang gahum (empowerment) ang mga kababahen-an para makahimo sang desisyon sa panahon nga gina bayolar ang ila kinamatarung.

Si Atty. Weng ang simbolo sang pag-alalangay bangud sang iya balanse nga papel sa amay sang syudad (kay Mayor Neil) ma-atipanon nga iloy sa iya mga kabataan kag sa Syudad sang Talisay bilang First Lady. Atty Weng, ang matuod nga ehemplo samg isa ka Empowered Woman that Empowers Women.