Si MAYOR NEIL LIZARES upod Kay ATTY. WENG LIZARES kag sang Angels' Wings Hernan Lopez Foundation ang nagdala sang mga nagkalain lain nga klase sang mga libro kag balasahon nga pangbata kag bookshelve para sa mga kabataan nga naga eskwela sa Daycare Center nga nahamtang sa relocation site sa Barangay San Fernando.

Ang in nga proyekto nagatuyo nga makabulig agud mapukaw ang interes sang mga kabataan sa pagbasa sang mga libro kag makalikaw sa paghampang sang malawig sa mga electronic devices katulad sang cellphone.

Ang turnover sang proyekto gintambungan sang mga ginikanan upod man ni Barangay San Fernando Punong Barangay, Rogelio Parreñas, Kagawad Gimelda Dianton, Kagawad Ronilo Banhao kag iban pa nga mga opisyales sang nasambit nga Barangay.